ព្រៃវែង ៖ ព្រឹកថ្ងៃទី១២ ខែវិច្ឆិកា ឆ្នាំ២០២៣ ឯកឧត្តម បណ្ឌិត ទូច វណ្ណៈ ប្រធានសមាគមសម្ព័ន្ធសារព័ត៌មានឯករាជ្យ (IPA) និងលោកស្រី ហោ វ៉ាន់នី ព្រមទាំងថ្នាក់ដឹកនាំ និងសមាជិក សមាជិកាសមាគមសម្ព័ន្ធសារព័ត៌មានឯករាជ្យ បានចូលរួមដង្ហែកឋិនទានសាមគ្គី ទៅវេរប្រគេនព្រះសង្ឃគង់ព្រះវស្សាអស់កាលត្រីមាស នៅវត្តពោធិដ្ឋាន ហៅវត្តថ្លាវ ស្ថិតក្នុងភូមិថ្លាវ ឃុំស្វាយអន្ទរ ស្រុកស្វាយអន្ទរ។

ក្នុងឱកាសនោះ ឯកឧត្តម បណ្ឌិត ទូច វណ្ណៈ និងលោកស្រី ព្រមទាំងក្រុមការងារសមាគមសម្ព័ន្ធសារព័ត៌មានឯករាជ្យ ក៏បាននាំយកត្រៃចីវរ បាត្រ ឆ័ត្រ និងបច្ច័យកសាងវត្ត ចំនួន ៤ ៥០០ ០០០ រៀល (បួនលានប្រាំសែនរៀល) វេរប្រគេនដល់ព្រះសង្ឃដែលគង់ចាំព្រះវស្សាអស់កាលត្រីមាសនៅក្នុងវត្តពោធិដ្ឋាន តាមទំនៀមទម្លាប់ប្រពៃណីព្រះពុទ្ធសាសនាផងដែរ។

សូមបញ្ជាក់ថា កឋិនទានសាមគ្គី ដែលបានដង្ហែវេរប្រគេនព្រះសង្ឃនៅវត្តពោធិដ្ឋាន ហៅវត្តថ្លាវ នាឱកាសនោះដែរ ក៏មានឯកឧត្តម លោកជំទាវ អស់លោក លោកស្រីជាមន្ត្រីរាជការ កងកម្លាំង លោកគ្រូ អ្នកគ្រូ និងព្រះសង្ឃ ព្រមទាំងពុទ្ធបរិស័ទជិតឆ្ងាយជាច្រើនកុះករ សរុបបច្ច័យកសាងវត្ត ចំនួន ៦១ ៥៤៧ ០០០ រៀល (ហុបសិបមួយលាន ហាសិបបួនម៉ឺន ប្រាំពីរពាន់រៀល) ៕

ដោយ៖ សុវណ្ណរត្ន័