ខេត្តបន្ទាយមានជ័យ ៖ ជនសង្ស័យម្នាក់ធ្វើសកម្មភាពលួចអាគុយឡានយ៉ាងសកម្ម ត្រូវសមត្ថកិច្ចស្រាវជ្រាប់ និងចាប់ឃាត់ខ្លួនបាន រួចបញ្ជូនទៅសាលាដំបូងខេត្តបន្ទាយមានជ័យ កាលពីថ្ងៃទី១២ ខែកញ្ញា ឆ្នាំ២០២៤ ។

ជីវ័ន្ត - ១៣ កញ្ញា ២០២៤

លោកវរៈសេនីយ៍ត្រី សុខ ឡេង មេបញ្ជាការកងរាជអាវុធហត្ថក្រុងសិរីសោភ័ណបានប្រាប់ថា៖ជនសង្ស័យមានឈ្មោះ ប៉ែន សាវុធ ភេទប្រុសអាយុ៣៧ឆ្នាំរស់នៅភូមិ៣ សង្កាត់ព្រៈពន្លា ក្រុងសិរីសោភ័ណ។លោកបានបញ្ជាក់ថា៖ក្រោយទទួលពាក្យបណ្តឹងពីឈ្មោះ ផាត បញ្ញា ភេទប្រុសអាយុ៣៩ឆ្នាំរស់នៅភូមិខាងលើបានបាត់អាគុយរថយន្តហ៊ីយិនដាយដែលចតទុកមុខផ្ទៈត្រូវបានចោលួចយកទៅបាត់កាលពីថ្ងៃទី០៦ ខែកញ្ញា ឆ្នាំ២០២៤នៅចំណុចភូមិ៣ សង្កាត់ព្រៈពន្លា ក្រុងសិរីសោភ័ណ។លោកវរៈសេនីយ៍ត្រី សុខ ឡេង បានបញ្ជាក់ថា៖ក្រោយទទួលពាក្យបណ្តឹងកម្លាំងមូលដ្ឋានកងរាជអាវុធហត្ថក្រុងសិរីសោភ័ណ បានធ្វើការស្រាវជ្រាវហើយបានកំណត់មុខសញ្ញាឃាត់ខ្លួនកាលពីថ្ងៃទី១២ ខែកញ្ញា ឆ្នាំ២០២៤ នៅចំណុចភូមិសង្កាត់ខាងលើ ត្រូវបាននាំយកសាកសួរនៅទីបញ្ជាការមូលដ្ឋានកងរាជអាវុធហត្ថក្រុងសិរីសោភ័ណ បានសារភាពថា ខ្លួនពិតជាបានលួចអាគុយចេញពីរថយន្តបានយកទៅលក់បាន២០ម៉ឺនរៀលហើយយកទៅជក់ថ្នាំញៀនអស់ និងធ្លាប់ធ្វើសកម្មភាពលួច២លើកហើយទើបពេលនេះត្រូវសមត្តកិច្ចចាប់ខ្លួនបានតែម្តង ៕