កំពង់ស្ពឺ៖ នៅថ្ងៃទី០៥ ខែធ្នូ ឆ្នាំ២០២៤ វេលាម៉ោង ១៥ និង ៥០នាទី ដោយមានការដឹកនាំចង្អុលបង្ហាញពីលោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងបញ្ជារផ្ទាល់ពីលោកស្នងការរងទទួលកម្លាំងផ្នែកប្រឆាំងគ្រឿងញៀន បានធ្វើការចុះល្បាតនៅក្នុងភូមិសាស្រ្ត បានឃាត់ខ្លួនមុខសញ្ញាជួញដូរដោយខុសច្បាប់នូវសារធាតុញៀន ចំនួន ៦នាក់ នៅចំណុចភូមិបឹងទន្លាប់ ឃុំវល្លិសរ ស្រុកសំរោងទង ខេត្តកំពង់ស្ពឺ ​មានឈ្មោះដូចខាងក្រោម÷

១ .ឈ្មោះ ម៉ៅ រ៉ា ភេទប្រុស អាយុ ៣២ឆ្នាំ នៅភូមិរំចេក ឃុំរំលេច ស្រុកកំពង់សៀម​ ខេត្តសៀមរាប ។

២.ឈ្មោះ ម៉ៅ សៅ ភេទប្រុស អាយុ ២៧ឆ្នាំ នៅភូមិស្វាយជួរ ឃុំក្រាំងចេក ស្រុកសាមគ្គីមុនីជ័យ ខេត្តកំពង់ស្ពឺ ។

៣.ឈ្មោះ ឃុន មករា ហៅរ៉ា ភេទប្រុស អាយុ ៣៦ឆ្នាំ នៅភូមិបឹងទន្លាប់ ឃុំវល្លិសរ ស្រុកសំរោងទង ខេត្តកំពង់ស្ពឺ ។

៤.ឈ្មោះ ភួង គីមហុង ភេទប្រុស អាយុ ២៧ឆ្នាំ នៅភូមិក្រាំងស្នួល ឃុំព្នាយ ស្រុកសំរោងទង ខេត្តកំពង់ស្ពឺ ។

៥.ឈ្មោះ ប៉ុក សុខហន ហៅហេ ភេទប្រុស អាយុ ៣៦ឆ្នាំ នៅភូមិព្រៃទួល ឃុំវល្លិសរ ស្រុកសំរោងទង ខេត្តកំពង់ស្ពឺ ។

៦.ឈ្មោះ អ៊ូច សុខុម  ហៅ អេ ភេទប្រុស អាយុ ២៩ឆ្នាំ នៅភូមិទួលសំណាង ឃុំវល្លិសរ ស្រុកសំរោងទង ខេត្តកំពង់ស្ពឺ ។

ដកហូតវត្ថុតាងរួមមាន ÷ម្សៅក្រាមព័ណ៌សថ្លាសង្ស័យជាគ្រឿងញៀចំនួន ២៥កញ្ចប់ (មធ្យម២កញ្ចប់ និងតូច ២៣ កញ្ចប់) ជញ្ជីងអេឡិចត្រូនិចចំនួន ២ គ្រឿងម៉ូតូ ១ គ្រឿង,ទូរសព្ទដៃចំនួន ៤គ្រឿង ។