លោកសាស្ត្រាចារ្យ ចាវ ប៉េងណាំ អនុប្រធានសមាគមសម្ព័ន្ធសារព័ត៌មានឯករាជ្យ បានអញ្ជើញដឹកនាំក្រុមការងារសមាគមសម្ព័ន្ធសារព័ត៌មានឯករាជ្យ ចំនួន ២០នាក់ ចូលរួមទស្សនាការតាំងពិព័រណ៍ Livestocks Malaysia Expo and Forum 2023 ​នៅសាល​ពិព័រណ៍​ KLCC Exhibition Centre ក្នុងទីក្រុងកូឡាឡាំពួរ ប្រទេសម៉ាឡេស៊ី រយៈពេល ៣ថ្ងៃ ចាប់ពីថ្ងៃទី២៩  ខែវិច្ឆិកា ដល់ថ្ងៃទី១ ខែធ្នូ ឆ្នាំ២០២៣។

ក្រុមការងារសមាគមសម្ព័ន្ធសារព័ត៌មានឯករាជ្យ ដែលបានចូលរួមកម្មវិធីខាងលើរួមមាន ៖ លោក ទូច​ សុភា​ ប្រធាន​សមាគម​សម្ព័ន្ធ​សារព័ត៌មាន​ឯក​រាជ្យ​ ខេត្ត​ពោធិ៍សាត់​ លោក​ សៅ​ សំរិត ប្រធាន​សមាគម​សម្ព័ន្ធ​សារព័ត៌មាន​ឯក​រាជ្យ​ ខេត្ត​បន្ទាយមានជ័យ​ ព្រមទាំងអនុប្រធាន និងតំណាងអង្គការ សមាគមដៃគូរបស់សមាគមសម្ព័ន្ធសារព័ត៌មានឯករាជ្យ។